ايه رايكم فى حب زمان وحب دلوقتى

فيه فرق كبير بين حب زمان وحب دلوقتي
حب زمان مثلا كان بيعتمد ع الكلمات الرقيقه والصدق في المشاعر زي ما كنا بنشوف في افلام عبد الحليم حافظ
وانا رايي الشخصي ان السمه الاساسيه اللي ناقصه الحب النهارده ان كل طرف بيستني ان الطرف اللي قدامه هو اللي يضحي
الشباب اليومين دول فاهمين الحب غلط وانا بشوف امثله كتيييييييييييير قدامي كل يوم
الشباب فاكرين ان بنات الناس لعبه وممكن اوي يلعب بمشاعرها لمجرد انه يروش
والبنات كمان اصبحت تصدق اي شاب بيقوللها انا بحبك (وممكن تكون عارفه ان اللي قدامها كداب)
ومع ذلك بتصدق بمزاجها
انا بجد بكون سعيد لما اشوف قصة حب بتكتمل قدامي بس لما بشوف حد بيلعب بمشاعر حد
بيصعب عليا الحد ده وبيصعب عليا الحب نفسه
بس انا متفائل خير لان فيه ناس كتير اوي صادقه في مشاعرها وزي ما فيه الوحش فيه الحلو برضه





اتمني المشاركه بارائكم وشكرا